PHS se Pietieraad vir 2023/2024 word gelei deur die hoofleiers, Nicolas Oerlemans en Lara van Staden. Die Pietieraadslede word verdeel in 4 komitees naamlik, Akademie, Sport, Kultuur en Sosiaal. Regdeur die jaar is hierdie komitees verantwoordelik vir vele aktiwiteite en gebeure wat gereël word deur elke komitee se voorsitters en lede.

PHS leerders skenk elke Kwartaal bloed waartydens die bloedskenkverteenwoordigers sorg vir die geleentheid om seepglad te verloop. PHS spog elke keer met meer as 100 eenhede wat geskenk word.

Enige leerders wat wil deel raak van die bloedskenkverteenwoordigers kan by Juf Zelda van Jaarsveld of by Juf Karlien Malan ‘n draai maak.

 Hierdie groep leerders is by elke geleentheid op die Pietiekalender om elke kosbare oomblik te verewig.
Enige leerders wat belangstel om deel te raak van die Pietie-papparazzi kan by Mev. Elmari Craig draai.

In Junie 2022 het ons die welbekende PHS-koerant, die Piet-my-Vrou, afgestof en sy vere weer bietjie reggeskud. Hierdie groep leerders het tussen al die ander verpligtinge nog tyd ingeruim om artikels te skryf vir die digitale koerant.

Hierdie leerders en personeel werk deurgaans hard om seker te maak die personeel en leerders van PHS word gehoor. Tydens elke Pietie funksie is minstens een van hierdie manne agter die klankbord besig om te sorg dat die funksie se klank 100% in orde is.

Talle van ons leerders of onderwysers doen jaarliks die Vlak 1 – en Vlak 2 noodhulpkursus, onder leiding van Dr Annelize Botha. Tydens baie van ons tuis byeenkomste verskaf van die leerders die noodhulpbystanddienste.

Ons PHS rasieleiers tree op tydens elke tuis sport wedstryd. Hulle sorg vir groot vermaak met hul goeie danspassies en maak seker dat almal gereed is vir ons Eerstespan rugby seuns wanneer hulle opdraf. Word deel van die Rasieleiers wat tydens sportdae optree.