VAKKEUSEBELEID

Alle leerders is met spesifieke Godgegewe gawes en talente toegerus. Daarom verskil leerders grootliks wat akademiese aanleg en vermoëns betref. Om leerders, ouers en die skool by te staan om die korrekte keuses te maak —- veral ten opsigte van die sogenaamde ‘moeiliker’ vakke -is die volgende beleid ten opsigte van vakkeuses in graad 9 saamgestel:

VAKTOELATINGSVEREISTES

‘n Minimum van 20 leerders moet ‘n vak kies om die aanbieding daarvan in in graad 10 te regverdig

VAKKEUSES

‘n Leerder moet in Augustus, net na die Graad 9 Inligtingsaand ‘n keuse maak ten opsigte van die vakke wat hy/sy vanaf graad 10 gaan neem.

Vakke wat deur Hoërskool Pietersburg aangebied word, is:

Verpligte vakke:

• Afrikaans Huistaal
• Engels Eerste Addisionele Taal
• Wiskunde OF Wiskundige Geletterdheid
• Lewensoriëntering

Keusevakke:     

• Besigheidstudies
• Ekonomie
• Fisiese Wetenskap
• Gasvryheidstudies
• Geografie
• Geskiedenis
• Ingenieursgrafika en –Ontwerp
• Lewenswetenskap
• Rekenaartoepassingstegnologie
• Rekeningkunde
•  Toerisme

‘n Leerder moet die 4 verpligte vakke neem (waar hy/sy tussen Wiskunde en Wiskundige Geletterdheid kan kies) plus nog 3 keusevakke.

Addisionele vakke

Indien ‘n leerder meer as 7 vakke wil neem, geld die volgende reëls:

1. Hy /sy moet oor 3 jaar opeenvolgend (graad 7, graad 8 en graad 9), ‘n gemiddeld van 80% handhaaf
2. Daar moet ‘n vorm voltooi word VOOR 30 Januarie van die volgende jaar, waarin hy/sy onder andere self moet reël vir ‘n onderwyser om die addisionele vak aan te bied.
3. Die onderwyser moet hom/haarself bereid verklaar om die leerder vir die volgende 3 jaar in die spesifieke vak te onderrig – wat 4½ uur onderrig per week, alle toetse, assesserings en eksamens insluit.
4. Addisionele vakke kan SLEGS gedurende Januarie van die leerder se graad 10-jaar gekies word.

REËLS TEN OPSIGTE VAN SPESIFIEKE VAKKE:

Wiskunde

‘n Leerder mag slegs Wiskunde kies, indien hy/sy aan die volgende vereistes voldoen:

1. 50% vir Wiskunde tydens die graad 9 November eksamen

Indien ‘n leerder Wiskunde as vak gekies het en nie die vereiste 50% vir die eindeksamen behaal nie, behou die skool hom die reg voor om die leerder outomaties self na Wiskundige Geletterdheid oor te plaas

Indien die ouer nie hiermee tevrede is nie,het die leerder die geleentheid om sy/haar graad 9 jaar te herhaal om te poog om ‘n beter punt te behaal.

Fisiese Wetenskap

‘n Leerder mag slegs Fisiese Wetenskap kies, indien hy/sy aan die volgende vereistes voldoen:

1. 50% vir Fisiese Wetenskap tydens die graad 9 November eksamen
2. 50% vir Wiskunde tydens die graad 9 November eksamen.

Leerders wat Fisiese Wetenskap kies en aan die einde van die derde kwartaal nie na wense presteer nie, sal gevra word om ‘n voorwaardelike addisionele keuse te maak, wat dan toegepas sal word indien die nodige prestasie nie in die finale eksamen behaal word nie.