• Indien ouers ‘n afspraak maak vir hul kind in skool ure, moet u per brief toestemming vra by die spesifieke graadvoog. Daar moet per e-pos of whatsapp voor die tyd gereël word met die graadvoogde.
• Die leerder moet ‘n pienkbrief in registerperiode gaan haal by die graadvoog.
• Die leerder moet handtekeninge van personeel kry vir al die periodes wat hy/sy afwesig gaan wees.
• Die ouer meld by ontvangs aan en die ontvangsdame sal u kind dan laat roep.
• Die ontvangsdame teken die pienkbrief aan in ‘n register en plaas ‘n stempel op die brief.
• Die pienkbrief word dan by die sekuriteitswag by die hoofhek ingegee.
• Die sekuriteit sal GEEN leerder die terrein laat verlaat sonder ‘n pienkbrief met al die nodige handtekeninge en stempel nie.
• Neem asb kennis dat die aantal periodes aan die einde van die jaar verreken word en ‘n kind dan een dag afwesig is, vir elke agt periodes wat hy/sy nie by die skool was nie.
• Die skool sluit om 11:00 op elke laaste dag van die kwartaal.

Vir enige navrae rakend die skoolinligting, kontak gerus ons skakelbeampte.