PHS beskik oor drie koshuise wat ten volle funksioneer en op ‘n hoëvlak bedryf word, naamlik Voorwaarts Seunskoshuis, Ons Hoop Dogterskoshuis en Die Anker Seunskoshuis.

Die Koshuis huisves leerders van reg oor Limpopo Provinsie.

Tesame met ‘n heerlike huislike atmosfeer, word leerders ook blootgestel aan topgehalte akademie, sport en kultuur.

Die seniorseuns word in Voorwaarts Seunskoshuis gehuisves saam hul 2024 hoofseun, Dewald de Beer, terwyl die juniorseuns hulle plekkie vind in Die Anker Seunskoshuis saam hul eie hoofseun, Heinrich Modemer. Tesame word hierdie seuns gelei deur hul koshuisvader Mnr. Hendrik Malan.

Die dogters druk hul eie stempel af in Ons Hoop Dogterskoshuis saam met hulle koshuismoeder Me. Linki Roodt en 2024 koshuis hoofmeisie Lara van Staden en onderhoofmeisie Leoné van Schalkwyk.

Die Koshuis fokus daarop om goeie dissipline by die leerders te kweek met hul vasgestelde roetines. Die leerders geniet wel ‘n gesonde sosiale lewe met verskeie sosiale aangeleenthede regdeur die jaar.

Hier word daar vir elke leerder ‘n plekkie gemaak waar hul tuis kan voel tussen vriende.