TRADISIE, PRESTASIE, TROTS, INTEGRITEIT

Die Hoërskool Pietersburg in Polokwane is ‘n skool met ryke tradisies, vele spog-prestasies, trots en integriteit.

Ons skool is ‘n skool wat talle groot name help vorm het om ‘n verskil in die geskiedenis van Suid-Afrika te maak.

‘n Skool van uitnemendheid wat leiers gereed maak om die uitdagings in die wêreld daar buite met passie, verantwoordelikheid en gemak te hanteer.

‘n Skool wat ‘n gesonde balans handhaaf tussen akademie, sport, kultuur, geestelike weerbaarheid, gemeenskapsbetrokkenheid en leierskap.

‘n Skool wat sy leuse, “Per Aspera ad Astra” (Reik na die Sterre), in al sy aktiwiteite en op vele terreine uitleef.

As die enigste Afrikaanse Hoërskool in Limpopo, sluit die room van leerders van oral oor by ons aan. Daarmee skep ons ‘n hoë standaard in ‘n veilige, plattelandse omgewing, wat goed vergelyk met die beste skole in ons land.

“Laat hoog ons skoolvlag wapper, die groen, die rooi die blou, Hy leer ons hoe ons dapper,aan eie toekoms bou. Hier droom ons toekomsdrome, verban al wat ons kwel, geniet die blomme, bome, munt uit in werk en spel.” (Frase uit ons skoollied)

Welkom by die webtuiste van Die Hoërskool Pietersburg. Ons hoop dat die inligting en foto’s op die volgende bladsye jou opgewonde en geesdrifitg sal maak, want hierdie is mos ‘n skool: